港聞

港聞二

【Emily】陸頌雄倡建林則徐公園

【明報專訊】立法會工務小組委員會噚日審議超過1.2億元撥款,擴建科學館、歷史博物館及體育學院。工聯會陸頌雄就建議喺歷史博物館附近空間興建林則徐紀念公園,形容佢係民族英雄,對抗殖民主義同反販毒反吸毒。公民黨譚文豪就建議應該將林則徐事件或相片擺去各區警署,畀警員引以為戒,教育佢哋販毒唔啱,唔應該賣冰毒。

早前有小學常識課嘅網上教學片段中,老師介紹鴉片戰爭時話「英國想以禁煙為理由,派兵攻打中國」,被批歪曲史實,陸頌雄噚日會上就擴建歷史博物館提出意見,形容「有啲唔好嘅老師荼毒我哋嘅小朋友」,將英國人賣鴉片、做毒販嘅行為,改成係幫中國人戒煙而攻打中國。佢希望擴館後講清楚鴉片戰爭「正義與邪惡角度」,而林則徐係民族英雄,亦係香港現代史開端嘅關鍵人物,應該被世人記住。

譚文豪:相片放警署 教警勿販毒

譚文豪反駁話林則徐相片應放入警署後,就引發撐警議員何君堯話,香港空中發展有好多醜聞,以此為鑑,「空中春宮、空中少爺吸毒」,係咪都可以放入歷史博物館?副民政事務局長陳積志話,聽到有關意見,但博物館有行之有效、不偏不倚嘅機制處理歷史。

相關字詞﹕林則徐 譚文豪 陸頌雄

上 / 下一篇新聞