港聞

港聞二

【Emily】國際護士節 陳肇始向同事致敬

【明報專訊】噚日係「國際護士節」,亦係「白衣天使」南丁格爾200歲誕辰,唔少官員趁機多謝一眾醫護,特別係抗疫工作。特首林鄭月娥噚日見記者時,亦先對抗疫期間盡心盡力嘅所有護理人員表示感謝,話佢哋發揮南丁格爾精神,大讚不論係衛生署嘅護士,抑或喺檢疫中心、醫院甚至安老院舍嘅護理人員,都非常積極投入工作。

本身係護士嘅食物及衛生局長陳肇始亦喺facebook向所有護士同事致謝同致敬,話護士一直係醫療專業團隊嘅骨幹,喺多方面發揮重要角色。佢話隨着護理專科化發展,護士會更進一步維護公共衛生,守護市民健康。

余慧明:南丁格爾不畏強權改革者

對於林鄭提到南丁格爾精神,醫管局員工陣線主席余慧明就喺fb話,南丁格爾除咗默默為病人付出,仲係不畏強權嘅改革者,引述南丁格爾講過,「對病人可以溫柔照顧,但對於不法權勢可是會硬碰硬對抗到底」等,話醫護不畏強權,以行動爭取封關救港,面對極權堅持反抗到底;話「香港人已看清誰才是害群之馬」。

相關字詞﹕余慧明 陳肇始 林鄭月娥 南丁格爾 國際護士節

上 / 下一篇新聞