港聞

港聞二

【Emily】Uber Eats請醫護食4.4萬餐飯

【明報專訊】新冠肺炎疫情下,一班醫護人員辛苦抗疫,唔少餐廳都提供特價優惠,以表達感激之情。Uber噚日公布,為咗感謝醫護人員守護每個香港人嘅健康,Uber Eats同醫管局合作,平台上6400間合作餐廳,會為醫管局7間醫院聯網主要急症醫院嘅員工,提供4.4萬份免費餐點,希望喺醫護無私奉獻嘅同時,都可以略盡綿力、為醫護喺繁重工作中加添力量。

送社福機構萬次乘車配額

此外,有見近日社福機構營運難免面對難關,但仍要協助受眾前往工作、醫院等,Uber都向香港社福機構提供1萬次免費行程,以支持佢哋服務、確保殘疾人士同長者喺疫情下都能夠出行。所有服務殘疾人士、長者及其他有需要人士嘅社福機構,都可以電郵或去Uber網站,為受眾申請免費嘅乘車配額。

相關字詞﹕醫護 肺炎 香港人 新冠肺炎疫情 健康 醫管局 香港 疫情 新冠肺炎

上 / 下一篇新聞