港聞

港聞二

【Emily】劉小麗宣布唔參選立會

【明報專訊】立法會前議員劉小麗2016年因宣誓風波被DQ,2018年參加九龍西立法會補選時,又畀選舉主任DQ、裁定提名無效。已加入工黨嘅劉小麗,之前亦有參與民主派喺九龍西嘅協調,大家亦注視佢如果再參選入唔入到閘。不過佢噚日凌晨宣布,已決定唔會參選今屆立法會選舉。除咗劉小麗,油尖旺區議員李傲然、公民黨余德寶早前亦已宣布唔會參選,睇嚟九西嘅泛民協調漸趨明朗。

劉小麗喺facebook發聲明,話為預留更多時間為工黨同民間組織服務,亦配合民主派力爭議會過半嘅形勢,深思熟慮後決定唔參選,未來會積極參與工黨黨務同公民社會行動,推動民間自救,同大家並肩作戰。

籲民主派團結爭議會過半

佢話泛民喺立法會議席過半,係大家嘅共同願景,「希望大家團結一致,毋負我們的時代」。

劉小麗發聲明後,唔少網民表示尊重同支持,感謝佢以大局為重。

上 / 下一篇新聞