港聞

港聞二

【Emily】澳洲龍蝦專機到港 趕母親節應巿

【明報專訊】疫情下全球航空幾乎停頓,貨運亦受影響。澳洲駐港總領事館噚日就話,澳洲政府增加每周專機,運送澳洲新鮮食品到港,噚日由澳洲航空(Qantas)營運嘅專機,由布里斯本出發經開恩茲,運載45公噸熱帶北昆士蘭海鮮到港,呢批新鮮龍蝦、鱒魚同其他海鮮,應該今日會喺市面出售,趕得切本周末母親節應市。

澳洲政府4月1日推出國際貨運支援計劃,應對疫情對新鮮食品出口嘅影響。呢項計劃注資1.1億澳元(約5.22億港元),支援澳洲漁農業出口商,等當地農產品可以運送到香港等主要海外市場。

首階段出口嘅其他市場仲包括中國內地、日本、新加坡同阿聯酋。澳洲政府過去3星期已定期安排貨運專機飛香港,噚日新增開恩茲航線,當地業界都好歡迎。

上 / 下一篇新聞