港聞

港聞二

【Emily】田少向醫院捐口罩 兼抽政府水

【明報專訊】政府向全民派發「銅芯抗疫口罩」,市民可以上網登記領取,但一般市民就未到手。有人笑呢個口罩外形好似底褲,向來抽水有一手嘅自由黨榮譽主席田北俊亦加把口,話說佢近日亦有向醫院送口罩,又曾經喺街上派口罩,佢前晚就喺facebook話,「既然口罩樣嘅底褲,oops,唔係,係底褲樣嘅口罩未有得用住,就用住我啲一次性嘅口罩頂住先啦!」

田少向港大醫學院同瑪麗醫院派咗超過14萬個外科口罩,佢將捐口罩嘅相片上載fb,盛傳有意出戰港島、已加盟田北俊新平台「希望聯盟」嘅袁彌昌亦有出現。

經民聯立法會議員梁美芬噚日亦喺fb上載相片,話受一個善心市民委託,將300幾個醫用N95口罩同500個醫用外科口罩,捐畀公立醫院前線醫護,「感謝絕大部分醫護人員」一直為香港人堅守崗位對抗疫症。

相關字詞﹕田北俊 口罩

上 / 下一篇新聞