港聞

港聞二

【Emily】港區人代兩會期間無得外出

【明報專訊】全國人大會議月底喺北京舉行,港區全國人大代表團團長馬逢國同Emily講,噚日開例會討論到兩會安排,港區人大代表會喺5月19日集體於香港出發,坐專車到深圳做核酸測試,無事嘅話,翌日就可以坐飛機到北京。佢話,港區人代會住喺北京飯店,今年採取「閉環式」管理,無得請假外出,唔可以接待訪客,食飯可能要喺房食,開大會亦要集中坐專車往返人民大會堂。

至於回港檢測安排,馬逢國話港區人代都應該喺5月29日統一回港,可能回港前亦要先做檢測,正與港府商討。佢話,按法例人代可以因為公務理由於回港後豁免14日檢疫隔離,現時仲要再討論安排。佢話無收到有港區人代請假唔去兩會。

或喺房食飯 嘆似坐監

不過,有人代就私下訴苦,話咁樣上京好似坐監,只能喺3個地方出現,即酒店房、酒店會議室及人民大會堂,亦只能食北京飯店嘅食物,想出去買杯咖啡飲都唔准,真係會悶死。

相關字詞﹕馬逢國 北京飯店 新型冠狀病毒肺炎 人大代表

上 / 下一篇新聞