港聞

港聞二

【Emily】許智峯投訴狗仔隊記錄行蹤 私隱署駁回上訴

【明報專訊】民主黨立法會議員許智峯兩年前喺立法會大樓內搶去保安局女高級行政主任嘅手機,阿峯當時質疑政府派「狗仔隊」記錄議員喺大樓內嘅出入行蹤,係有違《個人資料(私隱)條例》,於是向個人資料私隱專員公署投訴,最終上訴被駁回。

私隱專員喺2018年4月決定唔繼續處理阿峯嘅投訴,阿峯之後上訴。公署噚日話行政上訴委員會喺周一(23日)頒下判辭,委員會同意政府記綠議員行蹤係關乎合法目的、合乎公眾利益;亦話立法會議員應該有合理預計自己喺立法會大樓內公眾地方嘅行為會被記錄。

稱積極考慮司法覆核

阿峯唔認同裁決,認為法律理據薄弱,會積極考慮司法覆核挑戰有關決定。佢話,處理上訴嘅委員會主席同委員全部係特首委任,有委員用最寬鬆嘅尺度演繹私隱條例,「偏袒政府,不足為奇」。

相關字詞﹕許智峯取手機 許智峯

上 / 下一篇新聞