港聞

港聞二

【Emily】公民黨撐泛民初選 「唔會輸打贏要」

【明報專訊】立法會選舉將喺9月舉行,民主派嘅目標係取得過半數議席(35席以上)。公民黨噚日開記者會,強調會「義無反顧」支持民間嘅協調工作,亦贊同民主派初選。該黨又呼籲市民盡快登記做選民,話希望透過選民力量,達成議會過半數議席嘅願景。

目標泛民議會過半數

公民黨主席梁家傑話唔會輸打贏要,如果協調機制最後得出嘅排名,公民黨代表唔喺推薦名單,一定唔會派人出選,形容呢個係「莊嚴承諾」。

公民黨成員、中小企食店聯盟召集人林瑞華話,功能界別選民登記已進入最後直路,仲有唔夠10日就截止,呼籲對政府、對禁酒令都不滿嘅業界中人盡快登記做飲食界選民,為同業發聲。佢透露目前約有800多個新登記選民,呼籲大家唔好停繼續登記。

上 / 下一篇新聞