港聞

港聞二

【Emily】政協見梁家榮 促停頭條新聞鏗鏘集

【明報專訊】幾名港區全國政協委員噚日同廣播處長梁家榮會面,投訴港台節目《頭條新聞》同《鏗鏘集》,要求取消兩個節目。政協委員、公營廣播關注組召集人彭長緯話,關注組去年10月成立後收到約1.8萬宗關於上述兩個節目嘅投訴。佢批評《頭條新聞》用低俗、諷刺手法抹黑政府部門,認同政府有不足要批評,但反問港台點解要製作嬉笑怒罵節目,影響香港市民道德觀念。

彭長緯話,梁家榮冇回應節目有何存在價值,又話覺得同事已經跟港台約章去做。

批鏗鏘集鼓吹「暴力背後有理念」

彭長緯同梁家榮會面後見傳媒,佢批評梁家榮嘅回應有既定睇法,認為對方作為處長並唔客觀。至於《鏗鏘集》,彭長緯話關注組蒐集到24集有關「黑衣人」,六成鼓吹暴力事件背後好有理念。佢又話,有一集訪問一個「警嫂」,話丈夫濫捕、亂打人,作為太太好困難、好辛苦;彭長緯反問「幾萬個警察,點解唔訪問一個好支持先生工作嘅太太?」

相關字詞﹕廣播處長 梁家榮 鏗鏘集 頭條新聞

上 / 下一篇新聞