【明報專訊】特首林鄭月娥噚日到訪工聯會「寄藥行動熱線中心」，了解該會寄藥行動運作情况。林太仲幫手聽咗幾個求助電話，並以「我係特首呀」做開場白，其中有求助港人自稱仲喺湖北，林太就叫佢講吓當地環境情况，仲話「你忍耐多陣，（政府）盡快安排專機送大家返來」。唔知呢位港人聽到林太親自接聽佢電話，會唔會都有一種「信政府，唔怕」嘅感覺湧上心頭呢？
