【Emily】放病假無DQ之鋒 馬太調任環保署

【明報專訊】南區前民政事務專員馬周佩芬去年區議會選舉時擔任南區選舉主任，但後來「因病休假」，未有確認香港眾志秘書長黃之鋒參選提名係唔係有效，其後持續放假。當時公務員事務局話，待馬太好番後，當局會為佢另外安排職務。原來馬太係同接任南區民政專員一職嘅鄭港涌對調職務，馬太現時出任環境保護署助理署長（跨境及國際事務），政府電話簿資料都已經更新。