【明報專訊】新型冠狀病毒肺炎疫情持續，市民周圍撲口罩、消毒用品，但就唔係人人捱得起炒價或有能力通宵排隊。肝病權威、香港大學內科及肝臟科講座教授黎青龍，星期二（11日）晚就同聖雅各福群會露宿者綜合服務隊，探訪銅鑼灣、跑馬地一帶嘅露宿者，派口罩畀佢哋。黎教授話覺得露宿者「好陰功」，有人即使有小量口罩都唔捨得用；亦有人因為公共游泳池關閉，無法入去冲涼。佢認為政府應該向市民派發口罩同消毒用品，等大家都可以有足夠資源防疫。 相關字詞﹕新型冠狀病毒肺炎 武漢肺炎 新型冠狀病毒 口罩 黎青龍
