港聞

港聞二

【Emily】卓悅「補邀」梁嘉銘派口罩

【明報專訊】青衣長康邨康美樓有多於一宗新型冠狀病毒確診個案,化妝品店卓悅一連兩日將口罩同消毒濕紙巾等物資,委託地區人士派發。卓悅並出facebook post註明「在疫情前,不分你我」;繼前日委託民主黨尹兆堅派1萬個口罩、1000包濕紙巾畀康美樓居民,噚日就委託民建聯當區區議員梁嘉銘派發同樣數量嘅物資畀長康邨居民。

前日尹兆堅派物資時,梁嘉銘特意出帖話有團體派口罩同消毒包,仲註明「感謝尹議員」。唔知係咪卓悅見到個post,所以都畀番物資梁嘉銘派?梁嘉銘喺fb多謝卓悅,又話噚日天氣唔好,唯有上樓層層派。

上 / 下一篇新聞