港聞

港聞二

【Emily】學生會派「暴大段爸」揮春

【明報專訊】新春將至,又要貼上新揮春。去年底經歷激烈衝突嘅中文大學,近日校園回復生氣,中大學生會就趁新年向員生送上兩款自家設計嘅揮春,畫上校長段崇智「段爸」卡通樣,祝一眾中大人「暴大檻過」、「光復中大」!

揮春上嘅「段爸」好搶眼,聽負責設計嘅學生會常務幹事William講,市面揮春都會印有財神、吉祥物,因大家信佢哋會畀到運氣或財富,而要實現中大人嘅願望,相信校長都有角色。佢話之後會託職員轉交揮春畀校長。

William話,兩句祝福語都係中大人願望,「光復中大」係希望中大人可以話番事、作番主,做番理想嘅中大;「暴大檻過」就係希望呢個時勢人人都大步檻過,「暴大」都可跨過難關。揮春上嘅細字仲有唔少港人願望,好似齊上齊落、光復香港等。

上 / 下一篇新聞