港聞

港聞二

【Emily】悉尼考察後 顏汶羽笑港版水上的士

【明報專訊】政府想喺維港搞「水上的士」,但就限定路線,指定5個上落點,畀啱啱去咗悉尼考察嘅海濱事務委會成員、民建聯觀塘區議員顏汶羽取笑,話香港嗰隻係「水上專線小巴」扮「水上的士」,悉尼個啲先係真嘅水上的士,船上寫明TAXI。

話香港限定上落點係水上小巴

香港嘅「水上的士」今個禮拜截標,限定要喺5個地方上落,包括啟德、紅磡、尖沙嘴、中環、西九文化區。顏汶羽同海濱事務委員會成員去咗澳洲悉尼,見到人哋嘅「水上的士」係真正嘅的士,可以喺任何碼頭上落船。

顏汶羽話香港嘅「水上的士」既係循環線,又跟站停,仲坐百幾人,「點睇都係『水上小巴』或者『水上巴士』」。

上 / 下一篇新聞