【明報專訊】立法會財委會仍然未可以表決公務員加薪撥款申請，要過咗農曆新年、今個月31號先再開會，一眾公務員無得過肥年。財委會主席陳健波噚日開會都好勞氣，當工聯會黃國健同民主派議員對罵時，波哥呼籲建制派要忍，話已經進入審議直路，「為咗幾十萬公務員福祉，大家要忍住」，又話自己都忍咗好耐。
