港聞

港聞二

下一篇
上一篇

【Emily】完成政府實習 殘疾學生獲證明書

【明報專訊】公務員事務局自2016年起為本地殘疾學生推出實習計劃,殘疾學生可以有機會喺政府實習。公務員事務局長羅智光(圖中西裝者)噚日頒授實習證明書畀參加實習計劃嘅職業訓練局展亮技能發展中心(「展亮」)學生,仲同部分實習生合照。羅智光讚賞佢哋實習期間嘅工作表現同努力,鼓勵佢哋繼續努力裝備自己,迎接未來挑戰。

羅智光噚日同完成實習嘅展亮學生茶敘,總共有35名學生接受證書,佢哋上年底獲分派去20個決策局同部門實習。其中喺機電署實習嘅蔡德星話,實習計劃令佢學識同別人相處,增加自信。

羅智光話,公務員事務局2018年起,將殘疾學生實習計劃的名額增加到100個,而今年局方按照學生嘅才幹同興趣,編配咗唔同類型嘅工作,包括平面圖像設計、資料庫編輯同處理、運動場地支援、活動統籌等。

上 / 下一篇新聞