港聞

港聞二

下一篇
上一篇

【Emily】譚文豪:澳洲議會倡制裁違人權者

【明報專訊】公民黨立法會議員譚文豪(Jeremy)、職工盟秘書長李卓人同民陣副召集人黎恩灝剛剛出訪澳洲,同當地嘅國會議員見面,講解香港最新嘅社會情况同人權問題等。Jeremy話,澳洲政府已經重新推動澳洲版嘅《全球馬格尼茨基人權法》(Global Magnitsky Act)議案,建議制裁違反人權嘅政權及官員,現正接受公眾諮詢。Jeremy話呢條係全球性嘅法案,並非只針對香港。

Jeremy又話,澳洲政黨好關注香港嘅情况,包括近日嘅區議會選舉結果。佢提到,澳洲政府其實早於兩年前已經開展澳洲版嘅《全球馬格尼茨基人權法》嘅立法工作,但因為政府換屆而擱置。澳洲議會噚日亦發出新聞稿,指外交丶國防及貿易委員會主席David Fawcett宣布,會諮詢澳洲應否制裁嚴重違反人權嘅人,收取國際意見書嘅截止日期為明年2月28日。

相關字詞﹕職工盟 民陣 全球馬格尼茨基人權法

上 / 下一篇新聞