港聞

港聞二

下一篇
上一篇

【Emily】助素人 陳偉業製60頁議員入門手冊

【明報專訊】今屆區選唔少無地區經驗嘅素人都勝出,要立即掌握點做區、區議會運作等,唔係易事。離開政壇後移居加拿大嘅立法會前議員陳偉業(大嚿)1980年代由做地區起家,到成為區議員,佢話唔少朋友都叫佢畀啲意見新當選區議員,於是佢草擬咗一份60頁嘅《區議員入門手冊》放上網,仲話如有需要,可以喺電話同相關人士商討吓,希望可以協助佢哋順利開展工作。

Emily睇過呢本手冊,內容詳盡,例如由建議當選人盡快向房署申請辦事處、點樣將支持者轉化成地區工作團隊、點樣建立行政架構、會見市民計劃,去到整單張、區議會職責簡介,以至服務各年齡層嘅重要,都有提到。

比較特別嘅係,手冊其中一章叫「區議員不應做的事情」,提醒大家切忌牽涉金錢糾紛、唔好亂作承諾、唔好喺辦事處處理私人事務,甚至「切忌返回大陸及頻密聯絡內地親友」,當中提到相信中共會用盡方法令非建制區議員「變節」,如喺內地「引誘區議員越軌,或脅持內地的親友要脅區議員」,所以未來4年應盡量避免私下到內地,以免誤墮各種陷阱。

相關字詞﹕區議會 區議員 陳偉業

上 / 下一篇新聞