港聞

港聞二

下一篇
上一篇

【Emily】葵青民政專員約見泛民區議員

【明報專訊】新一屆區議會期喺明年1月1號開始,噚日多個葵青區嘅民主派候任區議員已經同葵青政務專員見面,舉行非正式會議,一齊討論新一屆區議會嘅工作,包括會議常規、撥款指引、區議會轄下委員會同未來嘅預算案等。

有份出席會議嘅候任華麗選區區議員、民主黨單仲偕(單雞)話,呢個非正式會議係由民政事務專員約嘅,主要想了解新任區議員有咩工作計劃,例如會唔會想成立新嘅委員會,以便葵青民政處可以早作準備。至於當區有乜嘢工作大計,單仲偕就話具體工作未定好,因為仲要同當區其他泛民區議員一齊討論。

單仲偕將競逐主席

今年民主派取得85%區議會議席,包攬17個區議會嘅正副主席。單仲偕作為資深議員,被視為區議會主席大熱人選,被問到會唔會做主席,單仲偕就同Emily講將會競逐主席一職。

相關字詞﹕區議會 單仲偕

上 / 下一篇新聞