港聞

港聞二

下一篇
上一篇

【Emily】阿鼎拍片:重新出發 倡設24小時特別法庭

【明報專訊】區議會選舉塵埃落定,建制派選情觸礁,香港第一大黨民建聯嘅議席跌至剩番21個,多名雙料議員「落馬」,不過佢哋似乎都已經收拾心情再出發。立法會議員周浩鼎(Holden)輸咗畀東涌人王進洋,失去來年超級區議會嘅「入場券」,佢噚日就上載短片(圖),強調未來會重新出發、加強社區工作。

Holden喺片段中表示,雖然包括佢在內,好多民建聯黨友都未能勝出,但呢段時間走訪社區,仍然感受到好多街坊嘅信任、支持同鼓勵,認為市民對民建聯嘅地區工作有信心,未來會加強社區工作回報大家,「民建聯必然會重新出發,為香港、國家,為守護一國兩制努力」。

今場區選結果被視為與政治形勢有關,Holden喺短片中仍繼續推銷設立「24小時特別法庭」、加快檢控違法示威者嘅建議,形容「止暴制亂」係市民最重要要求,未來會加強要求政府採取措施。

相關字詞﹕特別法庭 檢控 違法 周浩鼎 止暴制亂 立法會議員 示威者 一國兩制

上 / 下一篇新聞