港聞

港聞二

上一篇

【Emily】防暴「畀心」前 食咗Show me your love飯?

【明報專訊】新任警務處長鄧炳強近日頻頻話要用「剛柔並濟」嘅手法處理示威,前日尖沙嘴「毋忘初心大遊行」就出現有防暴警察向正怒罵佢哋嘅示威者,高舉雙手,做出心形「派心」手勢,以「示愛」方式回應挑釁嘅群眾。據Emily了解,前日西九龍大隊嘅午餐,其中一個選擇就係「Show me your love飯」(粟米肉粒飯),唔知嗰位阿sir係咪食完個飯受到啟發,而做出呢個「軟攻」手勢呢。

有經常喺示威前線工作嘅警察話,呢啲飯盒佢哋稱之為「踏浪飯盒」,個名來自警方嘅「踏浪行動」,至於好唔好味,佢話畀Emily知,其實都只係用嚟填肚,形容質素有起伏,亦視乎來自邊個供應商;雖然前日個Show me your love飯盒個樣唔係好靚,菜有啲黃,但佢話早排都遇過高質飯盒,竟然有鰻魚,都唔係無高質飯嘅。

上 / 下一篇新聞