港聞

港聞二

下一篇
上一篇

【Emily】泛民澳洲講座 大學「保安理由」取消

【明報專訊】民主派近年四出訪問外國講述香港情况,泛民近日再組團出訪,包括職工盟秘書長李卓人、公民黨立法會議員譚文豪、民陣副召集人黎恩灝,呢兩日亦訪問澳洲坎培拉,包括會見跨黨派國會議員、智庫等,希望趁區選後畀當地關心香港嘅人知道最新情况。不過,黎恩灝噚日就喺facebook話,原定喺澳洲國立大學嘅講座,被校方以「保安理由」取消,佢質疑校方係自我審查。

質疑校方自我審查

黎恩灝同Emily講,原定喺大學嘅演講,於舉行前不足兩小時先收到校方通知取消,難於短時間內搵場,所以迫於無奈要取消。而佢哋於當地時間今日亦會同關心香港嘅國會朋友會面。佢話外訪比較即興,暫時未知仲會唔會去其他國家,但最希望推動關心香港嘅外國人親身來港觀察。

而李卓人、黎恩灝有份擔任執委會成員嘅「公民連繫」,近日推出一份反修例運動嘅專題報告《一國一制》,分析呢次運動嘅背景、起因,以至運動對香港法治、國際大勢嘅影響等。黎恩灝話,佢同李卓人亦會趁機喺澳洲出席研討會分享呢份報告。

相關字詞﹕李卓人 澳洲 黎恩灝

上 / 下一篇新聞