港聞

港聞二

下一篇
上一篇

【Emily】劉江華函賀鄭議員 上款「許先生」

【明報專訊】區議會選舉結果塵埃落定,政府上星期五就結果刊憲後,負責18區區議會嘅民政事務局長劉江華,亦去信各候任區議員致賀,話期望以後同議員並肩攜手,共建和諧理想社區,不過有當選人就收到連姓氏都寫錯嘅信。公民黨黃大仙候任區議員鄭文杰(圖)噚日就喺facebook上載收到劉江華嘅信件,鄭並話「大家以後叫我許先生」,原來信件上款將鄭文杰寫成「許先生」。

鄭文杰話,「局長層級都犯啲咁嘅錯,咁我都好清楚政府有幾期待同我合作啦」,又指封信劉江華署名,叫對方唔好賴職員咁話。

唔同議員亦有上載信件,成功連任嘅沙田區議員陳兆陽就話,「不如你做下實事好過寄呢啲信畀我啦」;工黨沙田區議員葉榮更將信件貼喺垃圾桶,話「今季最新款式垃圾桶,歡迎大家拍打及餵食!」

相關字詞﹕公民黨 致賀 劉江華 區議員

上 / 下一篇新聞