港聞

港聞二

上一篇

【Emily】白車救命百年 再添新法寶

【明報專訊】唔經唔覺,消防處喺香港提供緊急救護車服務已100年,隨住時代變遷,救護車嘅設備不斷提升,好似今年10月,所有救護車增設自動心外壓機,希望增加心臟停頓病人嘅存活率。消防及救護學院副院長(救護訓練)吳孝銘話,設備可為心臟停頓嘅病人持續施行心外壓急救,不受外界因素如道路顛簸、車廂狹窄等干擾,亦唔會因為救護人員體力不支而中斷急救。

政府新聞處訪問從事救護工作多年嘅救護員,講吓佢哋眼中救護服務嘅變遷。1960年加入消防處任職救護車男護士、退休助理救護總長容寶華憶述,以前器材有限,當年颱風溫黛襲港,佢出勤都只係帶藥箱、毛氈、提供氧氣用具等基本配備。佢話如遇懷疑內出血嘅傷者都愛莫能助,因為根本無工具、儀器檢查。而今日救護人員就可利用超聲波掃描器,檢查傷者係咪內出血。

消防處喺將軍澳百勝角消防及救護學院內設「消防及救護教育中心暨博物館」,入面有4層展示廳,展示不同年代嘅救護車、模型、救護工具同制服等,想了解更多救護服務歷史嘅市民,可到相關網站預約參觀。

上 / 下一篇新聞