港聞

港聞二

下一篇
上一篇

【Emily】低谷田二少 克服畏高攀高牆

【明報專訊】實證圓桌田北辰喺區選落敗,未能連任,但佢似乎好快復元,仲克服心理障礙,再創「高峰」!

老師話凡事總要一試

田二少係香港管理專業協會李國寶中學嘅法團校董會主席,噚日學校辦開放日,向家長推介中一招生,田二少梗係要去支持。佢參觀同學搞嘅攤位時,有老師就提議佢試吓玩學校嘅攀石牆。田二少本來耍手擰頭,話畏高,一向唔玩呢啲刺激玩意,但有老師話凡事總要一試、唔使驚,田二少於是膽粗粗上陣。

田二少話,佢望到道高牆都有少少腳軟,但導師教佢技巧,就係「唔好望下面」,咁就唔會驚啦。佢亦學識專揀牆上大塊突出嘅石頭抓住,容易啲用力,終於一鼓作氣爬到上頂。

田二少事後話,人生七十古來稀, 能夠克服心理障礙感覺幾特別。

上 / 下一篇新聞