港聞

港聞二

下一篇
上一篇

【Emily】趙家賢耳仔或成世神經線錯亂

【明報專訊】民主動力召集人、東區區議員趙家賢上月初被咬甩耳廓,噚日出席港台《城市論壇》時,左耳仲貼住紗布。佢同Emily講,上星期五去東區醫院覆診,主診醫生話佢嘅傷口位置可能成世都有神經線錯亂問題,如果揭開紗布,少少空氣流動都會令佢覺痛,亦可能會誤以為自己隻耳郁緊、有暖水掂緊,或有麻痹感覺;暫時要觀察兩三星期,視乎感覺有無改善。佢亦因為神經線影響出現「五十肩」,要定期做物理治療。

趙家賢喺節目話,過去一周謝票,畀助手笑似「慰問會」,唔少街坊打氣、慰問,亦有街坊質疑佢畀錢人整傷自己隻耳呃票、又有人向佢講美國中情局會畀安家費佢,「好彩阿媽唔喺隔籬」。

會唔會做區會正副主席?

「盡可能非為搶位而搶位」

節目後被問到有無興趣做區議會主席、副主席,佢無正面答,只係話希望「盡可能角色非為搶位而搶位」,而係希望現任嘅資深議員可促進新議員盡快上手。

上 / 下一篇新聞