港聞

港聞二

下一篇
上一篇

【Emily】Ann姐區選申訴會 話千人報名揀60人

【明報專訊】區選過後,唔少建制派都炮轟今次選舉唔公平。民建聯蔣麗芸(Ann姐)噚日搞咗個「投票問題申訴會」,佢話星期三喺facebook畀市民公開報名後,收到成千個報名,但座位有限,淨係抽咗60人出席,佢形容係跨年齡層,想聽吓唔同人對區選嘅睇法。Ann姐仲請嚟政制及內地事務局長政治助理吳璟儁同選舉事務處官員出席。民建聯今次選舉都算係慘敗,唔知民記區議員有冇向Ann姐申訴喇,但Ann姐就話佢都會請番啲地區兄弟,再等佢哋考慮將來路向。

政制局政助吳璟儁選舉處官員出席

呢次申訴會唔開放畀傳媒採訪,Ann姐事後發新聞稿引述有出席者批評,多個票站有大量年輕人包括未滿18歲嘅人多次進出,阻礙他人投票,好多長者或者行動不便嘅人,因排隊太耐放棄投票。Ann姐要求選舉委員會增加長者綠色通道,容許長者同行動不便嘅人可排另一隊投票,減少佢哋輪候時間。

上 / 下一篇新聞