港聞

港聞二

下一篇
上一篇

【Emily】獄中磨練 陳健民成木工師傅

【明報專訊】喺佔中案被判囚8月,上個月刑滿出獄嘅社福界立法會議員邵家臻,噚日去咗探望仍然喺壁屋監獄服刑嘅陳健民(KM)。

阿臻話KM精神唔錯,話KM仍然喺木工期工作,仲已經取得證書,笑言KM已算係木工師傅。阿臻轉述,KM話喺獄中生活安好, 大家唔使掛住佢,佢又叫大家喺外面好好生活,為香港繼續作戰。

叫大家好好生活 繼續作戰

囚獄生活無消磨KM嘅意志,佢每星期做3次運動,每次會跑6公里至10公里,話對白飯魚都磨到要換鞋。KM都關心區議會選舉選情,聽到民主派大勝,精神為之一振。KM感謝大家嘅努力,認為區議會可以有一番新景象和新想像,又話諗緊可唔可以為區議員開班,佢可以教民主,戴耀廷教法治。

阿臻話,「佔中九子案」嘅上訴將會喺明年2月24日開始,現正密鑼緊鼓預備理據,請大家繼續關注。

上 / 下一篇新聞