港聞

港聞二

下一篇
上一篇

【Emily】當選者劉家衡被當「天使」遭問價

【明報專訊】網上假新聞、假圖不時出現,有時即使好荒謬嘅謠言都會有人相信。話說出戰南昌北、擊敗民建聯鄭泳舜嘅公民黨劉家衡,就被指係「著名援交女」、「AV天使」;而其實劉家衡係男士,佢仲喺facebook話「我沒想過有一天我連自己的性別也需要澄清」,透露自己Instagram帳戶好多人問佢收幾錢,「但我一向用心服務街坊不收費的」。

話說內地網站近日有文章提及區選嘅當選者,當中謠言不少,包括指打敗民建聯葉傲冬嘅陳梓維係「庇護工場的弱智人士」,又話出戰北區清河嘅註冊社工袁浩倫剛從戒毒中心出嚟。本身為男性嘅劉家衡更被指係「援交女」、上載艷照吸引男性,仲叫女士要留意自己老公、男友有冇經常搵佢。

劉家衡就喺fb澄清話當選後都估民主派區議員會被抹黑,「但沒想過有一天連自己的性別也需要澄清」,令佢ig都紅埋一份,「很多人進來問我收幾錢,但我一向用心服務街坊不收費的」。Emily睇佢個ig,未見女人相,仲特別喺個人簡介寫明「不是援交女劉家衡」。

上 / 下一篇新聞