港聞

港聞二

下一篇
上一篇

【Emily】泛民請議助 歡迎「手足」應徵

【明報專訊】民主派喺區選中取得85%議席,好多民主派候任區議員都明言會撥出資源支持抗爭者,例如大家都話會招聘「手足」出任議員助理,公民黨同新民主同盟都先後喺facebook公布「請手足」。除此之外,好多區議員亦表明將會去探望在囚抗爭者。

公民黨日前喺facebook公布「請手足」,話該黨現正為新當選嘅區議員籌組團隊,呼籲有興趣嘅「手足」可以電郵履歷同要求待遇去公民黨。公民黨今次招聘全職或兼職議員助理為主,主要負責個案跟進同物資管理等,強調喺反修例運動中被捕、檢控或定罪者「不拘」。新民主同盟噚晚亦跟大隊,喺facebook出帖請手足。民主黨之前都講過,如果抗爭者需要工作機會,該黨都好樂意招募。該黨新任區議員、打敗何君堯嘅盧俊宇𠵱家聘請緊議員助理,佢話「兄弟姊妹手足如有興趣」,可以電郵履歷畀佢。

除咗爭住請「手足」,有民主派區議員都希望可以多啲去探監。好似當選東涌南選區、打敗民建聯周浩鼎嘅王進洋,就呼籲大家如果知悉有抗爭者有需要,可以同佢講,佢會去探監。根據現行制度,區議員探監屬於公務探訪,無次數同時間限制。

相關字詞﹕探監 手足 區議員 區議會

上 / 下一篇新聞