港聞

港聞二

下一篇
上一篇

【Emily】市民發泄 何君堯:係社區服務

【明報專訊】立法會議員何君堯喺區選落敗後,有人專登去佢嘅辦事處開香檳慶祝「何已完」。佢前晚喺facebook直播,話有關行為應該係驚佢輸得唔夠㷫,但都多謝喎,話如果可以發泄吓唔去掟磚,都係「(我嘅)community service(社區服務)」。

何君堯喺直播話有人落井下石都「毒我唔死」,「只要你開心,換番唔好去掟磚掟汽油彈,如果你認為件事可以發泄下,都冇問題,係community service」。講番輸咗超過1200票,佢就話「輸咗笑唔出」,係選舉現實,但就質疑投票要排隊係唔正常現象,仲話票站嘅公務員唔少係顏色分子,同啲參選人「蛇鼠一窩」都唔係冇可能,不過就無辦法舉證喇。

話200個素人贏到因「超級大台」

反修例運動持續5個幾月,何君堯到𠵱家都仲講緊有「大台」,話逾200個「散裝砂糖」政治素人都可以贏到,係有「超級大台」操控選舉。佢仲講起投票日,英國保守黨人權委員會委員Luke de Pulford去同佢講,有份推動促成英國安格里亞魯斯金大學取消佢嘅榮譽法學博士學位,何君堯話英國人一般唔會贈興,一定係有「超級國際級」去操縱喎。

上 / 下一篇新聞