港聞

港聞二

下一篇
上一篇

【Emily】馮檢基三連敗 黃成智按金沒收

【明報專訊】今屆區議會選舉罕有出現「區區有競爭」,當中民主派多名老將捲土重來,有人成功收復失地,例如陳樹英重奪屯門兆康席位,但立法會前議員馮檢基就喺尖沙嘴西選區嘅「五人混戰」亂局下慘敗收場,僅得154票,得票率7%,今次連同去年立法會補選在內,係馮檢基近年三連敗。馮檢基前晚接受傳媒訪問嘅時候話結果難料,又話選舉目的並非只為輸贏,而係希望提出政綱,解決社區問題,過程先係最重要。

另一名近年選舉常客、民主黨前成員黃成智,今次出戰北區彩園選區,惟亦未能延續其政治生涯,再次敗北,只有177票,得票率2%,即低過5%沒收按金嘅門檻,相信會被沒收3000元按金。

至於出戰灣仔渣甸山選區嘅城大教職員協會主席謝永齡,成績亦未如理想,僅得464票,輸咗畀得票2570票嘅自由黨林偉文。

上 / 下一篇新聞