港聞

港聞二

下一篇
上一篇

【Emily】英保守黨人來港 向何君堯告白:我有份DQ你學位

【明報專訊】噚日區議會選舉大日子唔止本地人關心,連外國人都遠道而來「觀摩」。其中,競逐連任嘅屯門樂翠區議員何君堯落區拉票時,就撞到來港觀察選舉嘅英國保守黨人權委員會委員Luke de Pulford,Pulford同何君堯講,自己有份推動促成英國安格里亞魯斯金大學(下稱ARU)取消何君堯嘅榮譽法學博士學位,何即場回應對方「Ok. Good luck to you.(祝你好運)」。

何回應「Ok. Good luck to you.」

何君堯喺晏晝拉票嘅時候又主動提起呢件事,話連英國政黨人物都山長水遠「特登嚟挖苦」佢,「反映香港政界深受外國勢力影響」,仲話有外國人教香港示威者整汽油彈。

講番DQ學位件事,事源上月英國上議院議員奧爾頓勳爵致函ARU,就元朗7.21事件何君堯被指同白衣人握手等事,建議校方褫奪何嘅榮譽學位。ARU最後決定取消何君堯嘅榮譽博士學位。

上 / 下一篇新聞