港聞

港聞二

下一篇
上一篇

【Emily】「中央台記者」票站外影市民

【明報專訊】噚日多個票站外都有人拍攝市民排隊投票,惹起監視投票疑雲。Emily喺中西區議會西環選區投票站外,發現一個身上反光衣印有「記者」二字嘅男人,佢朝早已經喺票站外拍攝進入票站嘅人,傍晚先收機稍事休息,而佢嘅器材或身上均冇顯示屬於邊個傳媒,佢亦只係拍攝,冇搵過市民做訪問。

由朝到晏 齋影巿民唔採訪

Emily上前查詢,該男子先講英文,被問到係咪記者,就用普通話聲稱自己係「中央電視台」記者,但無展示記者證。

個男人話,係「領導」安排佢喺呢個票站拍攝,佢話唔可以入票站拍,所以企喺票站出面影。至於點影法,佢就話唔係影人嘅「大頭相」,只係影一啲「空鏡」,冇訪問任何人。

無記者證 話「領導」安排嚟拍

Emily問咁影全日有咩意義,嗰個男人話相信領導會用呢啲影片,剪裁後加入評論播放。被問係咪每個票站都有中央電視台或內地媒體記者,佢話唔知,亦唔知要影到幾時,但就唔會影到開票,仲反問Emily喺邊度開票,似乎唔知票站喺投票後會變成點票站。

上 / 下一篇新聞