港聞

港聞二

上一篇

【Emily】入獄變黑實 邵家臻愛上曬太陽

【明報專訊】社福界立法會議員邵家臻之前因為佔中案被判監,10月初出獄,163日之間輕咗22磅,仲曬到黑黑實實咁。阿臻噚日同Emily講,覺得皮膚黑啲「都幾好」,睇落健碩啲。佢養成咗個新習慣,就係每星期都搵一日去公園,除咗上身衫曬太陽。佢話成個公園都有呢啲咁樣曬太陽嘅伯伯,「佢喺呢邊曬,我喺嗰邊曬」,諗落都覺得打成一片。

至於曬太陽嘅方法,Emily即時諗起啲人去沙灘就咁瞓喺度曬,阿臻話佢係除咗赤膊上身喺公園度兜圈行,仲話有啲生風吹埋嚟「個感覺好正」。至於邊個公園係曬太陽好去處,阿臻就唔願意透露,笑言擔心有人包圍佢影相。阿臻𠵱家鍾意曬太陽嘅程度,係去到台灣都喺公園曬,形容係「去到邊、除到邊、曬到邊」。

相關字詞﹕社福界 立法會議員 佔中九子 邵家臻

上 / 下一篇新聞