港聞

港聞二

下一篇
上一篇

【Emily】因女王之名 伊中學生函伊利沙伯

【明報專訊】一班伊利沙伯中學嘅學生最近寫咗一封公開信畀英女王伊利沙伯二世,希望英女王可以表態支持港人爭取民主自由。啲學生話已經將封信寄咗去白金漢宮,希望可以同英女王喺香港危機上 「connect(連繫)」。

伊利沙伯中學喺1954年創立,建校構思源於1953年,當年正值英女王伊利沙伯二世登基,所以中學以此命名。呢班伊利沙伯中學嘅學生話自己背負英女王之名,謹遵校訓「修己善群」嘅教誨,希望喺反修例運動中嘅「英國戰線」上略盡綿力,所以寫信畀英女王。

班學生喺信中話,英國同香港喺歷史、文化、政治同經濟上有緊密連繫,希望英女王可以與香港站在一起,一齊捍衛民主同自由。學生仲話,希望英國都可以立一條《香港人權與民主法案》,以回應中國違反《中英聯合聲明》。

相關字詞﹕英女王 反修例運動

上 / 下一篇新聞