港聞

港聞二

上一篇

【Emily】謝子和擊敗管浩鳴 膺港島教區繼承主教

【明報專訊】聖公會香港島教區噚日舉行教區議會特別會議,選舉教區繼承主教。高調協助台灣殺人案疑犯陳同佳嘅教省秘書長管浩鳴(右圖)落敗,繼承主教由聖公會聖約翰座堂主任牧師謝子和(左圖)當選。謝子和話多謝上帝畀佢一個更大嘅差事,話香港現處於動亂時間,因此呢個差事唔容易。

謝:多謝神予更大差事

聖公會香港島教區主教鄺保羅將於2021年退休並卸任,因此需要選出繼承主教。當選嘅香港島教區繼承主教,可以喺明年參與大主教選舉。換言之,謝子和有機會問鼎大主教。

香港聖公會刊物《教聲》嘅facebook噚晚公布選舉結果,話聖公會聖約翰座堂主任牧師謝子和經過兩輪投票後,當選繼承主教。今次嘅選舉由教省內所有已獲發執照之聖品、香港島教區議會全體平信徒議員,以及總議會內來自其他教區及傳道地區嘅平信徒代表參與投票。

相關字詞﹕主教 謝子和 管浩鳴 聖公會

上 / 下一篇新聞