港聞

港聞二

下一篇
上一篇

【Emily】倫敦會駐英大使劉曉明 鄭若驊跌倒脫骱 或要做手術

【明報專訊】律政司長鄭若驊上星期喺英國倫敦出席講座途中遭示威者包圍,其間跌倒受傷,至今仍未返港。佢前日喺中國駐倫敦大使館見記者,係受傷之後首次現身,並同當地傳媒談及傷勢,話自己左手手腕脫骱,需鑲入螺絲及鈦板以固定骨折位置,又引述醫生話左手腕至少3個月至1年都未能完全活動,未來或需要做手術解決正中神經(median nerve)問題。

中國駐英大使館網站就刊出中國駐英大使劉曉明同鄭若驊見面嘅相片,劉曉明話,鄭若驊遇襲事件表明「反中亂港分子已將黑手伸出境外、伸到英國」。鄭若驊話,原本希望向英國朋友同國際社會介紹當前香港局勢,未料有人對佢圍堵襲擊,事件充分暴露其希望通過暴力恐嚇實現險惡目的嘅企圖。

鄭若驊公開傷勢引嚟網民討論,有網民留意到司長著咗樽領衫,話「手部脫臼骨折都著到貼身樽領,真係要忍受幾多痛苦先可以做到」;人民力量陳志全就批評,上星期一喺西灣河中槍嘅同學仔一度危殆都已經出院,但鄭若驊竟然「要唞一年」。

相關字詞﹕跌倒 示威 劉曉明 中國駐英使館 倫敦 鄭若驊

上 / 下一篇新聞