港聞

港聞二

下一篇
上一篇

【Emily】大會主持人提醒 民建聯誓師 握拳代替舉五指

【明報專訊】後日就係區議會選舉投票日,民建聯噚日喺金鐘添馬公園舉行區選誓師大會,逾百名候選人同支持者齊齊現身,陣容鼎盛。當下社會動盪,黨主席李慧琼率領一眾候選人讀出誓辭,誓言為香港服務、落實「一國兩制」。有唔少候選人一度舉起5隻手指宣誓,望落去同爭取「五大訴求,缺一不可」嘅手勢一樣。主持人見狀立即同大家講「我哋握拳、握拳」,大家先至舉起右手握拳宣誓,避免咗一場「關公災難」,免令人誤會民建聯都支持爭取五大訴求。

建制派區選首個公開誓師大會

右手握拳宣誓同樣非常莊嚴,國家主席習近平宣誓時,同樣係右手握拳。

反《逃犯條例》修訂風波發生以來,社會局勢愈來愈動盪。建制派不斷被狙擊、地區辦事處被破壞,因此建制派嘅選舉工程近月非常低調,好似工聯會之前都係閉門舉行誓師大會。民建聯係首個建制派主流政黨公開舉行區選誓師大會。該黨領導層喺誓師大會上踢走黑色足球,寓意踢走「黑色暴力,重建香港」。

李慧琼參加區選九龍城土瓜灣北選區,同區另一候選人係社民連梁國雄。

相關字詞﹕黑色暴力 五大訴求 民建聯

上 / 下一篇新聞