港聞

港聞二

下一篇
上一篇

【Emily】選票切角 選舉處話方便視障者

【明報專訊】星期日就係區選投票日,近日網上有人提醒大家領取選票時要小心,驗證選票有冇被撕爛;選舉事務處噚日特別出稿澄清,指出有關設計係為咗方便視障選民,每張選票都有咁話。

澄清「職員會整爛選票」傳言

近日網上出現傳言,話票站職員可能會由年齡睇出選民係「藍絲」定「黃絲」,畀選票選民時刻意整爛,呼籲大家投票時要留意選票,因有破損會被視為廢票,所以如果有絲毫損毁都唔好要張票,並即刻向票站主任投訴,要求該人解釋點解選票破損、有證據顯示刻意破壞選舉,並要求票站主任向廉署舉報,投訴完要求票站主任給予全新選票,蓋印後亦要親自放入票箱。

選舉事務處就出稿澄清,指出喺投票日當日,選民獲發嘅每張選票,正面嘅左上角都會有一個切角,設計係為方便視障選民識別選票係咪正確地放入點字模板供填劃,所以每張選票都會有呢個切角,而唔係網上謠言所指投票站職員會撕爛選票。事實上,呢類傳言已經唔係首度出現,2016年立法會選舉亦曾有類似傳言,如呼籲選民留意政府嘅「蠱惑招」。

相關字詞﹕投票 區選 政府 區議會 設計 選舉 區議會選舉

上 / 下一篇新聞