港聞

港聞二

下一篇
上一篇

【Emily】泛民土瓜灣撞區 街坊委做民調 香港民研:李軒朗支持度明顯較高

【明報專訊】區議會選舉將於嚟緊嘅周日(24日)舉行,今屆選舉「區區有票投」,個別選區出現民主派「撞區」。九龍城區土瓜灣南分別有「九龍角落」李軒朗、獨立民主派黃綺婷(ET)參選,雙方一直未成功協調。據Emily所知,有熱心街坊自發委託香港民意研究所做民調,結果顯示李軒朗支持度「明顯高於」ET。李軒朗話事前已承諾以民調結果作準;ET就同Emily講,要與團隊再商討。

李軒朗支持度62%

黃綺婷支持度38%

香港民意研究所受委託,於本月14至17日喺土瓜灣南做現場選民調查,一共成功訪問咗465名願意提供投票意向嘅當區選民,民調只係抽取投票予李軒朗或黃綺婷嘅個案分析,一共有389人,當中李軒朗獲243人支持,佔62%;ET獲146人支持,支持率為38%。民研計劃判定,李軒朗支持度明顯高於ET。

李軒朗向Emily表示,佢事前已經承諾過,會以民調結果為準;ET就同Emily話,佢都係啱啱先睇到民調結果,正與團隊商量中,要等埋團隊一齊做決定。當區另一候選人為獨立候選人、現任區議員林博。

相關字詞﹕土瓜灣 香港民意研究所 區議會 民主派 區議會選舉

上 / 下一篇新聞