港聞

港聞二

上一篇

【Emily】羅致光網誌 sell樂齡科技博覽

【明報專訊】勞工及福利局長羅致光噚日發表網誌,講到樂齡科技,話政府同香港社會服務聯會合作,今個月21到24號喺會展舉辦第三屆樂齡科技博覽暨高峰會,有近150個單位展出近500件展品,並設3個特色主題館,包括「樂齡科技教育及租賃服務」體驗館、「認知障礙症」主題館同「樂齡美食街」,介紹樂齡科技嘅應用。

羅致光提到,面對人口未來高速高齡化,希望樂齡科技博覽提供平台,改善老友記生活。佢分享之前去日本考察嘅見聞,話當地醫生同學者分享飲食點影響長者復康同體質,話有吞嚥困難嘅長者好多時因為食得少,導致營養不良同缺水,所以當地提供容易進食同味道好嘅餐盒,佢希望香港借鑑,推廣「跨代共膳」概念,提供更多吞嚥困難者嘅用餐資料同方法。

上 / 下一篇新聞