港聞

港聞二

下一篇
上一篇

【Emily】愛國必須擁護黨? 郭偉强:唔可以話錯

【明報專訊】近日社會氣氛下,唔同政見嘅人時有口角,喺區議會選舉東區和富選區競逐連任嘅工聯會立法會議員郭偉强,喺fb出post話前晚擺街站時被「挑機」,但情况「後來逆轉」,話雙方討論後,「最後怒氣冲冲來,平平靜靜離去」。佢話同佢討論嘅市民都冇遮面,因為唔贊成起底,上載相片時加咗後製效果。

郭偉强同Emily講,雙方討論咗半個鐘有多,對方無遮面、無戴口罩等,佢相信都係可以理性討論嘅。

郭偉强喺帖文列出多個市民嘅提問,有市民問佢點解唔可以獨立調查,佢就話獨立調查「根本沒有判決效果」,要由監警會處理先有跟進;至於被問到愛國是否必須擁護共產黨,佢就話「唔可以話係錯」,認為起碼唔係搞對抗嘅一群,「以前的泛民可能有愛國人士,但今天我真心覺得無」。

「以前泛民可能有愛國人士,

但今天我真心覺得無。」

被問到近日多人關注嘅二噁英問題時,郭偉强就話「燒膠燒雜物係大問題」;其後市民再話係催淚彈問題,郭偉强就話施放催淚彈係為咗驅散,如果警方唔驅散就要拘捕市民。

同區候選人包括陳嘉陽同林斯嵐。

相關字詞﹕二噁英 獨立調查 愛國 立法會議員 催淚彈

上 / 下一篇新聞