港聞

港聞二

下一篇
上一篇

【Emily】被登易拉架 小麗鬧人滿口謊言

【明報專訊】區選下周日(24日)舉行,唔少候選人尋求名人支持。參選西貢區環保北嘅區政聯盟陳展浚近日喺宣傳品同易拉架印咗前立法會議員劉小麗肖像同「劉小麗全力支持」字句,引起關注。劉小麗其後話陳展浚誠信有嚴重問題,「一直滿口謊言作不誠實的聲稱」,譴責同撤回支持。

陳展浚話係溝通誤會

小麗喺facebook帖文話,陳展浚上月向佢「爭取支持」時,聲稱單對單對撼當區區議員方國珊、獲民主動力支持,所以小麗應承喺入屋郵遞落名支持。其後陳展浚喺未查詢佢嘅意向下,印製上述易拉架,小麗睇番「民主動力」支持名單,發現陳展浚不在當中;亦發現當區有另一民主派候選人何梓聰,但陳展浚就話何係建制派。小麗又話,陳展浚向佢聲稱獲區諾軒支持,但區諾軒向佢否認有支持。

Emily問陳展浚,佢就話係溝通誤會,因為民主動力協調名單一直都係佢出戰、冇撞區,而何梓聰較後期先落區;佢話已經向小麗道歉,形容「小麗好大壓力」。佢又話區政聯盟有人話獲得區諾軒支持,所以出現誤會。

民主動力嘅推薦名單,並無推薦環保北任何候選人。何梓聰則獲香港眾志黃之鋒等泛民支持。

相關字詞﹕ 民主動力 區議員 區諾軒 劉小麗 立法會議員 建制派 區議會選舉

上 / 下一篇新聞