港聞

港聞二

下一篇
上一篇

【Emily】時代風雲人物 「香港示威者」候選

【明報專訊】美國《時代》雜誌𠵱家搞緊網上投票,讀者可以表態想揀邊個做今年嘅時代風雲人物( TIME's Person of the Year),「香港示威者(The Hong Kong Protestors」係候選人物之一。香港眾志秘書長黃之鋒呼籲大家投票支持「香港人」。

《時代》雜誌編輯每年底都會揀選一啲該年對世界最具影響力嘅人,讀者亦可以投票表態。黃之鋒噚日中午呼籲之時,「香港示威者」只有51% 支持,韓國組合BTS防彈少年團就有逾70%支持。黃之鋒希望大家幫手投票,令香港抗爭者可以上《時代》雜誌,「好可悲嘅係香港嗰啲真係防彈少年團」。

截至噚晚7點半,「香港示威者」升至大約有93% 支持,BTS防彈少年團得番14%支持。

其他候選人物仲包括國家主席習近平、facebook 創辦人朱克伯格同關注氣候變化問題嘅瑞典女孩Greta Thunberg等。《時代》雜誌會喺下月公布時代風雲人物名單。

上 / 下一篇新聞