港聞

港聞二

下一篇
上一篇

【Emily】被問催淚彈二噁英影響 高醫生:汽油彈都會傷人

【明報專訊】食物及衛生局前局長、全國政協委員高永文落區為民建聯候選人拉票,作為醫生嘅佢,畀市民要求回應催淚彈釋放二噁英引起嘅健康問題,高醫生避答催淚彈問題,但話汽油彈都會令人受傷,畀網民負評。

落區為民建聯拉票遇追問

facebook 專頁「傑出關公災難」收到讀者短片,片中見到高永文去咗黃大仙區為民建聯嘅候選人拉票。有市民上前要求佢回應催淚彈釋放二噁英引起嘅健康問題,高嘗試講嘢但不斷畀發問嘅市民打斷,佢因此好唔耐煩,一開口就話警方有職務喺身,要用最低武力去維持社會治安,又話𠵱家有人用汽油彈、腐蝕液體攻擊警察,又阻市民返工生活,「呢種情况唔可能再繼續落去」。

高永文繼續講,話知道年輕人心中有團火,但隨即畀發問嘅市民打斷,話佢無答催淚彈釋放二噁英引起嘅健康問題。高隨即開火鬧汽油彈都會令人受傷、有危險,話每一樣暴力都會令人受傷。市民見高都係唔肯答催淚彈嘅問題,就轉身離開。

網民批評迴避問非所答

唔少網民就留言批評話高永文「迴避問題,問非所答,枉為醫生」,亦有網民嘆「睇錯咗佢」。

相關字詞﹕催淚彈 高永文

上 / 下一篇新聞