港聞

港聞二

下一篇
上一篇

【Emily】內會為死者默哀 部分建制響應

【明報專訊】立法會內務委員會至今未選出正、副主席,噚日開會期間,主持會議嘅公民黨郭榮鏗(Dennis)提出為6月反修例風波以嚟嘅死者默哀3分鐘,有別對上一次會議部分建制派離席,噚日會上有數名建制派參與默哀,包括民建聯李慧琼(Starry)、黃定光,新民黨葉劉淑儀、容海恩,自由黨邵家輝、經民聯張華峰。

多名民主派議員噚日喺自己嗰位擺放白花,Dennis提到前晚有多一名香港市民因為反修例運動不幸身亡,邀請委員肅立,為6月反修例風波以來不幸身亡嘅人默哀3分鐘,部分建制派議員都有肅立默哀,經民聯吳永嘉、自由黨主席張宇人等當時就離席。前晚逝世嘅死者,係喺衝突現場疑似被磚頭打中頭嘅70歲食環署外判清潔工人。

吳永嘉張宇人等離席

公民黨黨魁楊岳橋亦喺會上提出無約束力議案,要求行管會向內會提交6至10月嘅保安安排,直至會議結束仍未能就議案表決,Dennis宣布會議結束,今次已經係復會以嚟第6次內會會議,仍未選出正、副主席。

上 / 下一篇新聞