港聞

港聞二

下一篇
上一篇

【Emily】民建聯正能量 拉隊執磚清路障

【明報專訊】民建聯噚日拉大隊去旺角、荃灣、天水圍等地區,同市民一齊清理路障,仲影埋相放facebook,話要「身體力行在自己的崗位上為社會注入更多正能量」。相片所見,主席李慧琼、副主席陳克勤同鄭泳舜去咗旺角,戴住勞工手套,一個接一個傳遞執起嘅磚頭。

Emily噚日撞到民建聯前主席、全國政協常委譚耀宗,問佢會唔會幫手搬埋一份,佢就話自己手腳慢啲,又因為唔識揸車,太遠路佢未必去到,但強調好願意幫手。佢話要提醒去清理嘅市民,唔係去同人衝突,有危險就要走。

至於政務司長張建宗話考慮落去清路障,佢欣唔欣賞呢?譚sir只話可能司長想以身作則,但佢更希望司長統籌好政府部門。

譚sir:好願意幫手但手腳慢

李慧琼已參選土瓜灣北區議會選舉,對手係社民連梁國雄;鄭泳舜參選南昌北,對手有報稱無政治聯繫嘅王曉聖及公民黨劉家衡。

上 / 下一篇新聞